ಭಾರತ ನೇಪಾಳ ಗಡಿತಂಟೆ

ಕಳೆದ ಕೆಲವು ವಾರಗಳಿಂದ ಭಾರತೀಯ ಸೇನೆ ತಮ್ಮ ವಿವಾದಿತ ಗಡಿಯಲ್ಲಿ ಚೀನಾದ ಸೇನೆಯೊಂದಿಗೆ ಮುಖಾಮುಖಿಯಾಗಿ  ಭಿನ್ನಾಭಿಪ್ರಾಯ ಉಂಟಾಗಿತ್ತು,ಭಾರತ ಈಗ ತನ್ನ ಮತ್ತೊಬ್ಬ ನೆರಯ ದಾಯಾದಿ ನೇಪಾಳ ಭಾರತದೊಂದಿಗೆ ಕಾಲುಕೆರೆದು ನಿಂತಿದ್ದಾನೆ. ಇದರೊಂದಿಗೆ ಭಾರತ ಎಕ ಕಾಲದಲ್ಲಿ ಚೀನಾ, ಪಾಕಿಸ್ಥಾನ ಹಾಗೂ ನೇಪಾಳಗಳೊಡನೆ ಗಡಿ ಸಂಘರ್ಶ ಎದುರಿಸಬೇಕಾಗಿದೆ.

ಕಲಾಪಾನಿ ಪ್ರದೇಶದ ಮೂಲಕ ಹಾದುಹೋಗುವ ಹಿಮಾಲಯನ್ ರಸ್ತೆ ಸಂಪರ್ಕವನ್ನು ಉದ್ಘಾಟಿಸುವುದಾಗಿ ನವದೆಹಲಿ ಘೋಷಿಸಿದ ನಂತರ ಭಾರತ-ನೇಪಾಳ ಗಡಿ ವಿವಾದ ಸ್ಪೋಟಗೊಂಡಿತು.

ಭೌಗೋಳಿಕ ಪ್ರದೇಶದ ಐತಿಹಾಸಿಕ ನಿಖರತೆಯ ಕುರಿತಾದ ಈ ಯುದ್ಧವು ಕಳೆದ ಎರಡು ದಶಕಗಳಿಂದ ಎರಡು ನೆರೆಯ ರಾಷ್ಟ್ರಗಳ ನಡುವೆ ಹುದುಗಿದೆ. ನೇಪಾಳ-ಭಾರತ ಮತ್ತು ಚೀನಾ (ಟಿಬೆಟ್) ನಡುವಿನ ಕಲಾಪಣಿ-ಲಿಂಪಿಯಾಧುರಾ-ಲಿಪುಲೆಖ್ ಟ್ರಿಜಂಕ್ಷನ್ ವಿವಾದದ ಮೂಲ. ಕಾಳಿ ನದಿಯ ದಡದಲ್ಲಿರುವ ಕಲಾಪಾನಿ ಪ್ರದೇಶವು ಭಾರತದ ಉತ್ತರಾಖಂಡದ ಪೂರ್ವ ಗಡಿಯಲ್ಲಿದೆ ಮತ್ತು ಪಶ್ಚಿಮದಲ್ಲಿ ನೇಪಾಳದ ಸುದುರ್‌ಪಾಶ್ಚಿಮ್ ಪ್ರದೇಶದಲ್ಲಿದೆ.

ಕಾಲಾಪಾನಿ ಪ್ರದೇಶವು ಉತ್ತರಾಖಂಡದ ಪಿಥೋರಗಢ ಜಿಲ್ಲೆಯ ಭಾಗವಾಗಿದೆ ಎಂದು ಭಾರತ ಹೇಳಿಕೊಂಡರೆ, ನೇಪಾಳ ತನ್ನ ಧಾರ್ಚುಲಾ ಜಿಲ್ಲೆಯ ಭಾಗವೆಂದು ನಂಬಿದೆ. ಈ ವರ್ಷದ ಆರಂಭದಲ್ಲಿ ಭಾರತವು ಉತ್ತರಾಖಂಡವನ್ನು ಲಿಪುಲೆಖ್‌ನೊಂದಿಗೆ ಸಂಪರ್ಕಿಸುವ 80 ಕಿ.ಮೀ ರಸ್ತೆಯನ್ನು ತೆರೆದಾಗ ವಿವಾದಿತ ಮುನ್ನಲೆಗೆ ಬಂದಿದೆ.

ಈ ಪ್ರದೇಶವು ಭಾರತ ಮತ್ತು ನೇಪಾಳಕ್ಕೆಗಡಿ ಕಾರ್ಯತಂತ್ರದ ಹಿನ್ನಲೆಯಲ್ಲಿ ಪ್ರಾಮುಖ್ಯತೆ ಹೊಂದಿದ್ದು, ಎರಡೂ ಕಡೆಯವರು ಹೆಚ್ಚು ನಿಖರವೆಂದು ಹೇಳಿಕೊಳ್ಳುವ ಕಾರ್ಟೊಗ್ರಾಫಿಕ್ ಸಾಕ್ಷ್ಯಗಳ ಐತಿಹಾಸಿಕತೆಯ ಕುರಿತಾದ ಸ್ಪರ್ಧೆ ಬಿದ್ದಿರುವುದರಿಂದ  ಈ ವಿಷಯದ ಇತ್ಯರ್ಥ ಜಟಿಲವಾಗಿದೆ. 19 ನೇ ಶತಮಾನದ ಆರಂಭದಲ್ಲಿ, ಬ್ರಿಟಿಷರು ಭಾರತವನ್ನು ಆಳಿದರು ಮತ್ತು ನೇಪಾಳವು ರಾಜ ಪೃಥ್ವಿ ನಾರಾಯಣ್ ಷಾ ಆಳ್ವಿಕೆಗೆ ಒಳಪಟ್ಟ ಸಣ್ಣ ಸಾಮ್ರಾಜ್ಯವಾಗಿತ್ತು.

ಬ್ರಿಟಿಷ್-ನೇಪಾಳಿ ಸಂಬಂಧಗಳು

ಇತಿಹಾಸಕಾರ ಜಾನ್ ವೆಲ್ಪ್ಟನ್ ತಮ್ಮ ಸಮಗ್ರ ಕೃತಿ 'ನೇಪಾಳದ ಇತಿಹಾಸ' ದಲ್ಲಿ ಹೀಗೆ ಬರೆಯುತ್ತಾರೆ: “ಆಧುನಿಕ ನೇಪಾಳದ ಇತಿಹಾಸದೊಂದಿಗೆ ಹೆಚ್ಚು ಬಲವಾಗಿ ಸಂಬಂಧಿಸಿರುವ ಏಕೈಕ ಚಿತ್ರ ಖಂಡಿತವಾಗಿಯೂ ರಾಜ ಪೃಥ್ವಿ ನಾರಾಯಣ್ ಷಾ ಅವರು ಯುದ್ಧಕ್ಕೆ ಸಜ್ಜಾಗಿರುವುದಾಗಿದೆ, ” ಗೂರ್ಖಾಗಳಲ್ಲಿ ಷಾ ಅತ್ಯಂತ ಮಹತ್ವಾಕಾಂಕ್ಷೆಯ ಆಡಳಿತಗಾರನೆಂದು ನಂಬಲಾಗಿದೆ, ಅವರ ಆಳ್ವಿಕೆಯಲ್ಲಿ 18 ನೇ ಶತಮಾನದ ಕೊನೆಯಲ್ಲಿ ನೇಪಾಳವನ್ನು ಏಕೀಕರಿಸಲಾಯಿತು ಅವರ ಆಡಳಿತಕ್ಕೆ ಪೂರ್ವದಲ್ಲಿ ಸಿಕ್ಕಿಂ ಮತ್ತು ಪಶ್ಚಿಮದಲ್ಲಿ ಉತ್ತರಾಖಂಡದ ಗರ್ವಾಲ್ ಮತ್ತು ಕುಮಾವೂನ್ ಪ್ರದೇಶಗಳು ಒಳಪಟ್ಟಿದವು .

18 ನೇ ಶತಮಾನದ ಉತ್ತರಭಾಗದಲ್ಲಿ ಇಂಗ್ಲಿಷ್ ಈಸ್ಟ್ ಇಂಡಿಯಾ ಕಂಪನಿ (ಇಐಸಿ) ಸಹ ಉಪಖಂಡದಲ್ಲಿ ಅಸಾಧಾರಣ ಉಪಸ್ಥಿತಿಯನ್ನು ಪಡೆದುಕೊಂಡಿತು ಮತ್ತು ಮದ್ರಾಸ್, ಕಲ್ಕತ್ತಾ ಮತ್ತು ಬಾಂಬೆಯಲ್ಲಿ ತನ್ನ ಮುಖ್ಯ ನೆಲೆಗಳನ್ನು ಬಲಪಡಿಸಿತು. 19 ನೇ ಶತಮಾನದ ಆರಂಭದ ವೇಳೆಗೆ, ಇಐಸಿ ತನ್ನ ಪ್ರದೇಶಗಳನ್ನು ಉತ್ತರಕ್ಕೆ ಉತ್ತರದಲ್ಲಿ ವಿಸ್ತರಿಸಲು ಪ್ರಾರಂಭಿಸಿದರು ಬ್ರಿಟೀಷರ ಟಿಬೆಟ್‌ನೊಂದಿಗಿನ  ವ್ಯಾಪಾರ ಮಹತ್ವಾಕಾಂಕ್ಷೆಗೆ ನೇಪಾಳೀಯರು ಅಡ್ಡಿಯಾಗಿದ್ದಾರೆ.

ನವೆಂಬರ್ 1, 1814 ರಂದು ಬ್ರಿಟಿಷರು ನೇಪಾಳದ ವಿರುದ್ಧ ಯುದ್ಧ ಘೋಷಿಸಿದರು. ಮುಂದಿನ ಎರಡು ವರ್ಷಗಳ ಕಾಲ ಯುದ್ಧವು ಮುಂದುವರಿಯಿತು, 1815 ರಲ್ಲಿ, ಬ್ರಿಟಿಷ್ ಜನರಲ್ ಸರ್ ಡೇವಿಡ್ ಒಕ್ಟರ್ಲೋನಿ ಗರ್ವಾಲ್ ಮತ್ತು ಕುಮಾವೂನ್‌ ಪ್ರದೇಶವನ್ನು ವಶಕ್ಕೆ ಪಡೆದರು. ಒಂದು ವರ್ಷದ ನಂತರ, ಸುಗಾಲಿ ಒಪ್ಪಂದ ಎರ್ಪಟ್ಟಿತು ಇದಕ್ಕೆ ಸಹಿ ಹಾಕುವ ಮೂಲಕ ಯುದ್ಧವು ಕೊನೆಗೊಂಡಿತು. ಈ ಒಪ್ಪಂದವು ನೇಪಾಳದ ಗಡಿಗಳನ್ನು ಭಾರತದಿಂದ ಪ್ರತ್ಯೇಕಿಸಿತು,ಈ ಒಪ್ಪಂದವು “ನೇಪಾಳವು ತನ್ನ ಇಂದಿನ ಗಡಿಯ ಪಶ್ಚಿಮ ಮತ್ತು ಪೂರ್ವದ ಎಲ್ಲಾ ಪ್ರದೇಶಗಳನ್ನು ಬಿಟ್ಟುಕೊಟ್ಟು ಶರಣಾಯಿತು ಮತ್ತು ಕಠ್ಮಂಡುವಿನಲ್ಲಿ ಶಾಶ್ವತ ಬ್ರಿಟಿಷ್ ಪ್ರತಿನಿಧಿಯನ್ನು ನೇಮಿಸಲಾಯಿತು”.

ಒಪ್ಪಂದದ ಪರಿಣಾಮ, ಕಾಳಿ ನದಿ ನೇಪಾಳದ ಪಶ್ಚಿಮ ಗಡಿಯಾಗಿ ಗುರುತಿಸಲಾಯಿತು. ಹೀಗಿದ್ದರು, ಕಾಳಿ ನದಿಯ ನಿಖರವಾದ ಸ್ಥಳ ಯಾವುದು ಎಂಬುದರ ಬಗ್ಗೆ ಸ್ಪಷ್ಟವಾದ ಒಮ್ಮತವಿಲ್ಲ, ಕಲಾಪಾನಿ-ಲಿಂಪಿಯಾಧುರಾ-ಲಿಪುಲೆಖ್ ಅವರನ್ನೊಳಗೊಂಡ ಭೂಮಿ ಇಂದಿನ ಭಾರತದ ಅಥವಾ ನೇಪಾಳದ ಭಾಗವೇ ಎಂಬುದೇ ವಿವಾದದ ಕೇಂದ್ರ ಬಿಂದುವಾಗಿದೆ.

 ಕಲಾಪಾನಿ ಪ್ರದೇಶದ ವಿವಾದವನ್ನು ನೇಪಾಳ ಸರ್ಕಾರವು 1998 ರಲ್ಲಿ ಮಾತ್ರ ಮೊದಲು ಎತ್ತಿತು. 1962 ರ ಚೀನಾ-ಭಾರತೀಯ ಯುದ್ಧದ ಸಮಯದಲ್ಲಿ ಭಾರತೀಯ ಮಿಲಿಟರಿ ಘಟಕಗಳು ಕಲಾಪಾನಿ ಪ್ರದೇಶವನ್ನು ಆಕ್ರಮಿಸಿಕೊಂಡಾಗಲೂ, ನೇಪಾಳ ಆಕ್ಷೇಪ ಎತ್ತಿರಲಿಲ್ಲ. "ನೇಪಾಳವು ಕಲಾಪಾನಿ ಸಮಸ್ಯೆಯನ್ನು 1961 ರಿಂದ 1997 ರವರೆಗೆ ನಿರ್ಲಕ್ಷಿಸಿದತ್ತು, ಆದರೆ ದೇಶೀಯ ರಾಜಕೀಯ ಕಾರಣಗಳಿಂದಾಗಿ ಇದು 1998 ರಲ್ಲಿ ಭಾರತ-ನೇಪಾಳದ ನಡುವೆ ವಿವಾದವಾಗಿ ಮಾರ್ಪಟಿತು.

ಸುಗಾಲಿ ಒಪ್ಪಂದದಲ್ಲಿ ನಿರ್ಧರಿಸಿದಂತೆ ಗಡಿಯೊಂದಿಗೆ ಹೊಂದಿಕೆಯಾಗುವಂತೆ ದೇಶದ ಪಶ್ಚಿಮ ಗಡಿಯನ್ನು ಪಶ್ಚಿಮಕ್ಕೆ 5.5 ಕಿ.ಮೀ ದೂರಕ್ಕೆ ಸ್ಥಳಾಂತರಿಸಬೇಕೆಂದು ನೇಪಾಳ ಸರ್ಕಾರ ವಾದಿಸಿತು.

ಮತ್ತೊಂದೆಡೆ, ಭಾರತದ ಅಧಿಕಾರಿಗಳು 1830 ರ ದಶಕದ ಹಿಂದಿನ ಆದಾಯದ ದಾಖಲೆಗಳು ಕಲಾಪಣಿ ಪ್ರದೇಶವನ್ನು ಸಾಂಪ್ರದಾಯಿಕವಾಗಿ ಪಿಥೋರಗಢದ ಜಿಲ್ಲೆಯ ಭಾಗವಾಗಿದೆ ಎಂದು ತೋರಿಸಿದರು.

ದಕ್ಷಿಣ ನೇಪಾಳದಲ್ಲಿರುವ ಕಲಾಪಣಿ ಮತ್ತು ಸುಸ್ತಾ ಹೊರತುಪಡಿಸಿ 1,751 ಕಿ.ಮೀ ಉದ್ದದ ನೇಪಾಳ-ಭಾರತ ಗಡಿಯನ್ನು ಜಂಟಿ ಗಡಿ ಸಮಿತಿಯ ಮೂಲಕ ಗುರುತಿಸಲಾಗಿದೆ.

ಮುಂಚೂಣಿ ಯುದ್ಧ ವಿಮಾನಗಳ ಸರಣಿ ಅಪಘಾತ

ವಾಯುಪಡೆ ಸರಣಿ ಅಪಘಾತ
ಭಾರತ ಪ್ರತಿ ವರ್ಷ ರಕ್ಷಣಾ ಪಡೆಗಳಿಗಾಗಿ ಬಜೆಟ್ನಲ್ಲಿ ಸಿಂಹಪಾಲು ಮೀಸಲಿಡುತ್ತಿದೆ ಆದರೆ ವಾಯುಪಡೆ ವಿಮಾನಗಳ ಅಪಘಾತ ಸರಣಿ ಮುಂದುವರೆದಿದೆ.

2019ರಲ್ಲಿ ಭಾರತದ 12 ಯುದ್ಧ ವಿಮಾನಗಳು ಅವಘಡಕ್ಕೆ ಒಳಗಾಗಿದ್ದು 20ಕ್ಕೂ ಹೆಚ್ಚು ಸಿಬ್ಬಂದಿ ಹುತಾತ್ಮರಾಗಿದ್ದಾರೆ.ಅದರಲ್ಲು ಸುಕೂಯ್ -30, ಮಿರಾಜ್ 2000, ಮಿಗ್, ಜಗ್ವಾರ್ ನಂತಹ  ಮುಂಚೂಣಿ ಯುದ್ಧ ವಿಮಾನಗಳು ಅಪಘಾತಕ್ಕೆ ಒಳಗಾಗಿರುವುದು ರಕ್ಷಾಣ ಪಡೆಗಳ ಸಾಮರ್ಥ್ಯವನ್ನೇ ಪ್ರಶ್ನೆ ಮಾಡುವಂತಿದೆ.

ಜುಲೈನಲ್ಲಿ ನಡೆದ ಸಂಸತ್ ಅಧಿವೇಶನದಲ್ಲಿ ರಕ್ಷಣಾ ಇಲಾಖೆ ಯುದ್ಧ ವಿಮಾನಗಳ ಪತನದ ಬಗ್ಗೆ ಮಾಹಿತಿ ನೀಡಿದ ರಕ್ಷಣಾ ಸಚಿವ 2016ರಿಂದೀಚಿಗೆ ಸೇನಾ ಪಡೆ ತನ್ನ 27 ಯುದ್ದ ವಿಮಾನಗಳನ್ನು ಕಳೆದುಕೊಂಡಿದೆ ಎಂದು ಮಾಹಿತಿ ನೀಡಿದ್ದರು.

ಅದರಲ್ಲಿ 2016-17ರಲ್ಲಿ  6 ಯುದ್ಧ ವಿಮಾನಗಳು, 2 ಹೆಲಿಕಾಪ್ಟರ್ಗಳು ಹಾಗೂ 1 ಯುದ್ಧ ಸಾರಿಗೆ ವಿಮಾನ ,1 ತರಬೇತಿ ವಿಮಾನ ಪತನವಾಗಿತ್ತು.
2017-18 ರಲ್ಲಿ 2 ಯುದ್ಧ ವಿಮಾನ , 1 ತರಬೇತಿ ವಿಮಾನ. 2018-19ರಲ್ಲಿ 7 ಯುದ್ಧ ವಿಮಾನ,2 ಹೆಲಿಕಾಪ್ಟರ್, 2 ತರಬೇತಿ ವಿಮಾನಗಳು ಪತನವಾಗಿತ್ತು.2019ರಿಂದ ಇದರ ಸಂಖ್ಯೆ ಇನ್ನೂ ಹೆಚ್ಚಾಗಿದೆ.

ಅದರಲ್ಲೂ ಮಿಗ್ ವಿಮಾನಗಳಂತೂ ಹಾರುವ ಶವ ಪೆಟ್ಟಿಗೆ ಎಂದೇ ಕುಖ್ಯಾತವಾಗಿವೆ.
ಈ ವರ್ಷ ಪತನವಾದ ವಿಮಾನಗಳ ಮಾಹಿತಿ

ಜನವರಿ 28:ಜಾಗ್ವಾರ್ ಮಿಮಾನ ಪತನ ಉತ್ತರ ಪ್ರದೇಶದಲ್ಲಿ
ವಾಯುಸೇನೆಯ ಜಾಗ್ವಾರ್ ಯುದ್ಧ ವಿಮಾನ ಜನವರಿ 28 ರಂದು ಉತ್ತರ ಪ್ರದೇಶದ ಖುಶಿನಗರ ಪ್ರದೇಶದಲ್ಲಿ ಅಪಘಾತಕ್ಕೀಡಾಯಿತು. ಯುದ್ಧ ವಿಮಾನವು ಗೋರಖ್‌ಪುರದ ಐಎಎಫ್ ವಾಯುನೆಲದಿಂದ ಹೊರಟಿತು. ಪೈಲಟ್ ಸುರಕ್ಷಿತವಾಗಿ ಹೊರಚಿಮ್ಮುವಲ್ಲಿ ಯಶಸ್ವಿಯಾದರು.

https://www.deccanherald.com/national/iafs-jaguar-aircraft-crashes-715321.html

ಫೆಬ್ರುವರಿ 1:ಮಿರಾಜ್‍ 2000 ಪತನ ಇಬ್ಬರೂ ಪೈಲೆಟ್ಗrಳ ಸಾವು
ಬೆಂಗಳೂರಿನಲ್ಲಿ ಮಿರಾಜ್ 2000 ತರಬೇತಿ ವಿಮಾನ ಅಪಘಾತದಲ್ಲಿ ಇಬ್ಬರು ಭಾರತೀಯ ವಾಯುಪಡೆಯ ಪೈಲಟ್‌ಗಳು ಸಾವನ್ನಪ್ಪಿದರು. ಅಪಘಾತದಲ್ಲಿ ಸ್ಕ್ವಾಡ್ರನ್ ಲೀಡರ್‍ ಸಮೀರ್ ಅಬ್ರೋಲ್ ಮತ್ತು ಸಿದ್ದಾರ್ಥ ನೇಗಿ ಮೃತಪಟ್ಟರು.

ವಿಮಾನ ಅಪಘಾತಕ್ಕೀಡಾಗುವ ಮುನ್ನ ಎರಡೂ ಪೈಲಟ್‌ಗಳು ಹೊರಹಾಕಲ್ಪಟ್ಟರು ಆದರೆ ಅವರಲ್ಲಿ ಒಬ್ಬರು ವಿಮಾನದ ಅವಶೇಷದ ಕೆಳಗೆ ಸಿಲುಕಿ ಸಾವನ್ನಪಿದರೆ ಗಾಯಗೊಂಡಿದ್ದ ಇನ್ನೊಬ್ಬ ಪೈಲೆಟ್‍ ಆಸ್ಪತ್ರಯಲ್ಲಿ ಸಾವನ್ನಪಿದರು.

https://www.prajavani.net/stories/national/mirage-2000-crash-613497.html

ಫೆಬ್ರವರಿ 12: ಪೋಖ್ರಾನ್ ಬಳಿ ಮಿಗ್ -27 ಅಪಘಾತಕ್ಕೀಡಾಯಿತು

ರಾಜಸ್ಥಾನದ ಜೈಸಲ್ಮೇರ್ ಜಿಲ್ಲೆಯ ಎಟಾ ಗ್ರಾಮದ ಸಮೀಪ ಐಎಎಫ್‌ನ ಮಿಗ್ -27 ಯುದ್ಧ ವಿಮಾನ ಅಪಘಾತಕ್ಕೀಡಾಯಿತು.
ಪೈಲಟ್ ಸುರಕ್ಷಿತವಾಗಿ ಹೊರಚಿಮ್ಮಿದರು.

ಫೆಬ್ರವರಿ 19: 2 ಸೂರ್ಯ ಕಿರಣ್ ವಿಮಾನಗಳ ನಡುವೆ ಡಿಕ್ಕಿ

ಬೆಂಗಳೂರಿನ ಯಲಹಂಕಾ ವಾಯುನೆಲೆಯಲ್ಲಿ ಅಭ್ಯಾಸದ ಸಮಯದಲ್ಲಿ ಐಎಎಫ್‌ನ ಎರಡು ಸೂರ್ಯ ಕಿರಣ್ ಜೆಟ್‌ಗಳು ಆಗಸದಲ್ಲಿ  ಡಿಕ್ಕಿ ಹೊಡೆದವು. ಸೂರ್ಯ ಕಿರಣ್ ಭಾರತೀಯ ವಾಯುಸೇನೆಯ ಏರೋಬ್ಯಾಟಿಕ್ ತಂಡವಾಗಿದ್ದು, ಇದು ಮಧ್ಯದ ಗಾಳಿಯ ಸಾಹಸಗಳನ್ನು ಪ್ರದರ್ಶಿಸುವಲ್ಲಿ ಹೆಸರುವಾಸಿಯಾಗಿದೆ. ಏರೋ ಇಂಡಿಯಾ 2019 ಪ್ರದರ್ಶನಕ್ಕಾಗಿ ಜೆಟ್‌ಗಳು ಅಭ್ಯಾಸ ನಡೆಸುತ್ತಿದ್ದವು.
ಇದರಲ್ಲಿ ವಿಂಗ್ ಕಮಾಂಡರ್ ಸಾಹಿಲ್ ಗಾಂಧಿ ಸಾವನ್ನಪಿದರೆ  ವಿಂಗ್ ಕಮಾಂಡರ್ ವಿ.ಟಿ.ಶೆಲ್ಕೆ ಮತ್ತು ಸ್ಕ್ವಾಡ್ರನ್ ನಾಯಕ ಟಿ.ಜೆ.ಸಿಂಗ್ ಗಾಯಗೊಂಡರು.

https://www.aninews.in/news/national/general-news/surya-kiran-crash-iaf-pilot-dead-2-undergoing-treatment20190219144526/#.XYxqbzD39po.whatsapp

ಫೆಬ್ರವರಿ 27: ಪಿಓಕೆಯಲ್ಲಿ ಮಿಗ್ -21 ಬೈಸನ್‍ ಅಪಘಾತ.ವಿಂಗ್‍ ಕಮಾಂಡರ್‍ ಅಭಿನಂದನ್‍ ಪಾಕ್ನುಲ್ಲಿ ಸೆರೆ.
ಬಾಲಕೋಟ್ ವೈಮಾನಿಕ ದಾಳಿಯ ನಂತರ ಭಾರತೀಯ ಮತ್ತು ಪಾಕಿಸ್ತಾನಿ ಫೈಟರ್ ಜೆಟ್‌ಗಳ ನಡುವೆ ನಡೆದ ಕಣ್ಣಳತೆಯ ಯುದ್ದ(ಡಾಗ್ ಫೈಟ್‍) ಕಾದಾಟ ಪಾಕ್ನ0 ಎಫ್‍-16 ಹಾಗೂ ಮಿಗ್‍ 21 ಬೈಸನ್‍ ಎರಡೂ ಮಿಮಾನಗಳು ಪತನವಾಗಿ ಭಾರತದ ಫೈಲೆಟ್‍ ಅಭಿನಂದನ್‍ ವರ್ಧಮಾನ್‍ರನ್ನು ಪಾಕ್‍ ಸೇನೆ ಬಂಧಿಸಿತ್ತು.

https://www.deccanherald.com/national/iaf-five-crashes-last-21-days-719350.html

ಫೆಬ್ರವರಿ 27: ಕಾಶ್ಮೀರದಲ್ಲಿ ಐಎಎಫ್ ಹೆಲಿಕಾಪ್ಟರ್ ಪತನ

ಬಾಲಕೋಟ್ ವೈಮಾನಿಕ ದಾಳಿಯ ಒಂದು ದಿನದ ನಂತರ, ಕಾಶ್ಮೀರದ ಬುಡ್ಗಾಮ್ ಜಿಲ್ಲೆಯಲ್ಲಿ ಭಾರತೀಯ ವಾಯುಪಡೆಯ ಹೆಲಿಕಾಪ್ಟರ್ ಅಪಘಾತಕ್ಕೀಡಾಯಿತು. ಹೆಲಿಕಾಪ್ಟರ್ ಮಿ -17 ವಿ -5 ಮಿಲಿಟರಿ ಸಾರಿಗೆ ಹೆಲಿಕಾಪ್ಟರ್ ಆಗಿತ್ತು.

ಅಪಘಾತದಲ್ಲಿ ಇಬ್ಬರು ಪೈಲಟ್ಗಳು ಸೇರಿದಂತೆ ಮೂವರು ಸಾವನ್ನಪ್ಪಿದರು. ಐಎಎಫ್ ಹೆಲಿಕಾಪ್ಟರ್ ಅವಂತಿಪೋರಾ ವಾಯುನೆಲದಿಂದ ಹೊರಟು ಅಪಘಾತಕ್ಕೀಡಾಯಿತು, ನಂತರ ತನಿಖೆಯಲ್ಲಿ ತಪ್ಪು ತಿಳುವಳಿಕೆಯಿಂದ ಭಾರತೀಯ ಸೇನೆಯೇ ಹೊಡೆದುರುಳಿಸಿರುವುದು ತಿಳಿಯಿತು.

ಮಾರ್ಚ್ 8: ಬಿಕಾನೆರ್ ಬಳಿ ಮಿಗ್ -21 ಅಪಘಾತ
ರಾಜಸ್ಥಾನದ ಬಿಕಾನೆರ್ ಬಳಿಯಲ್ಲಿ ಭಾರತೀಯ ವಾಯುಪಡೆಯ ಮಿಗ್ -21 ಯುದ್ಧ ವಿಮಾನ ಅಪಘಾತಕ್ಕೀಡಾಯಿತು. ಪೈಲಟ್ ಸುರಕ್ಷಿತವಾಗಿ ಹೊರಚಿಮ್ಮುವಲ್ಲಿ ಯಶಸ್ವಿಯಾದರು.

ಮಿಗ್ -21 ವಿಮಾನವು ವಾಡಿಕೆಯಂತೆ ಸರ್ವೇಕ್ಷಣೆಯಲ್ಲಿ ತೊಡಗಿತ್ತು.ವಿಮಾನ ತನ್ನ ನೆಲೆಯಿಂದ ಹೊರಟ ನಂತರ ಎಂಜಿನ್‍ ತೊಂದರೆಯಿಂದ ಅಪಘಾತಕ್ಕಿಡಾಗಿತ್ತು.

ಮಾರ್ಚ್ 27:ಜೋಧ್ಪುುರ್‍ ಬಳಿ ಮಿಗ್‍ 27 ನವೀಕರಿಸಿದ ವಿಮಾನ ಪತನ
ಎಂಜಿನ್‍ ತೊಂದರೆಯಿಂದ ಮಿಗ್‍ 27 ವಿಮಾನ ಜೋಧ್ಪು2ರದಿಂದ 120 ಕಿಲೋ ಮೀಟರ್‍ ದೂರದಲ್ಲಿ ವಿಮಾನ ಪತನವಾಯಿತು.ಈ ವಿಮಾನ ವಾಡಿಕೆ ಸರ್ವೇಕ್ಷಣೆಯಲ್ಲಿ ತೊಡಗಿತ್ತು.ಫೈಲೆಟ್‍ ಯಶಸ್ವಿಯಾಗಿ ಹೊರಚಿಮ್ಮಉವಲ್ಲಿ ಯಶಸ್ವಿಯಾದರು.

ಜೂನ್‍ 20:ಅರುಣಾಚಲಪ್ರದೇದಲ್ಲಿ ಎಎನ್‍ 32 ವಿಮಾನ ಪತನ
ಸೇನೆಯ ಸಾರಿಗೆ ವಿಮಾನ ಅಸ್ಸಾಂನ ಜೋರ್ಹಾಟ್‌ನಿಂದ ಅರುಣಾಚಲ ಪ್ರದೇಶದ ಚೀನಾ ಗಡಿಯ ಬಳಿಯ ಮೆಂಚುಕಾ ಸುಧಾರಿತ ಲ್ಯಾಂಡಿಂಗ್ ಮೈದಾನಕ್ಕೆ ಜೂನ್ 3 ರಂದು ಹೊರಟಿದ್ದು, ಟೇಕಾಫ್ ಆದ ಅರ್ಧ ಘಂಟೆಯ ಹೊತ್ತಿಗೆ ಸಂಪರ್ಕ ಕಳೆದುಕೊಂಡಿತು.
ಈ ವಿಮಾನದಲ್ಲಿದ್ದ ವಾಯುಪಡೆಯ 13 ಸಿಬ್ಬಂದಿ ಮೃತಹೊಂದಿದ್ದರು.

https://www.prajavani.net/stories/national/iaf-32-aircraft-goes-missi-641560.html

ಜೂನ್ 27: ಜಗ್ವಾರ್‍ ವಿಮಾನ ತುರ್ತು ಲ್ಯಾಂಡಿಂಗ್‍
ಅಂಬಾಲ ವಾಯುನೆಲೆಯಿಂದ ಹೊರಟಿದ್ದ ಜಗ್ವಾರ್‍ ಯದ್ದವಿಮಾನಕ್ಕೆ ಪಕ್ಷಿ ಡಿಕ್ಕಿಹೊಡೆದ ಪರಿಣಾಮ ತುರ್ತು ಲ್ಯಾಂಡಿಂಗ್‍ ಮಾಡಲಾಯಿತು.

ಜುಲೈ 2: ತೇಜಸ್‌ ವಿಮಾನದಿಂದ ಬಿದ್ದ ಇಂಧನ ಟ್ಯಾಂಕ್
ದೇಶಿ ನಿರ್ಮಿತ ತೇಜಸ್‍ ಯುದ್ಧ ವಿಮಾನ ಚನೈನ ತಾಂಬರಮ್‍ ನೆಲೆಯಿಂದ ಹೊರಟ ಕೆಲವೇ ನಿಮಿಷಗಳಲ್ಲಿ ಹಾರಾಡುವಾಗಲೇ ಅದರ ಇಂಧನ ಟ್ಯಾಂಕ್‍ ಬಿದ್ದು ದೇಶ ತಂತ್ರಜ್ಞಾನದ ಬಗ್ಗೆಯೇ ಪ್ರಶ್ನೆ ಮೂಡಿಸಿತ್ತು.

ಆಗಸ್ಟ್ 8:ಸುಕೋಯ್‍-30 ಪತನ
ಅಸ್ಸಾಂನ ಮಿಲನ್ಪುರ ಪ್ರದೇಶದಲ್ಲಿ ಭತ್ತದ ಗದ್ದೆಯಲ್ಲಿ ಅಪಘಾತಕ್ಕೀಡಾದಕ್ಕಿತ್ತು ,ಇದರಲ್ಲಿದ್ದ ಇಬ್ಬರೂ ಫೈಲೆಟ್ಗೆಳು ಯಶಸ್ವಿಯಾಗಿ ಹೊರಚಿಮ್ಮಿದ್ದರು.

ಸೆಪ್ಟಂಬರ್‍ 25:ಮಿಗ್‍ 21 ಪತನ
ಗ್ವಾಲಿಯರ್‍ ವಾಯುನೆಲೆಯಿಂದ ಹೊರಟಿದ್ದ ಮಿಗ್‍ ತರಬೇತಿ ವಿಮಾನ ಪತನವಾಗಿತ್ತು.ಇದರಲ್ಲಿದ್ದ ಇಬ್ಬರೂ ಪೈಲೆಟ್ಗ್ಳು ಹೊರಚಿಮ್ಮುವಲ್ಲಿ ಯಶಸ್ವಿಯಾಗಿದ್ದರು.

ದೇವರಾಯನದುರ್ಗದಲ್ಲಿ ಅಪರೂಪದ ಶಿವ ದೇಗುಲ

http://kannada.oneindia.com/travel/vidyashankara-unique-temple-of-devarayanadurga-108206.html

ಚಿಕ್ಕವಯಸ್ಸಿನಲ್ಲಿ ಓದಿದ, ಕೇಳಿದ ಕಥೆಗಳಲ್ಲಿನ ವಾತಾವರಣದಂತೆಯೇ ಇರುವ ಈ ಶಿವನ ದೇಗುಲ ಪರಿಸರದ ಮೌನ ಬಹಳ ಚಂದ. ಸುತ್ತಲೂ ದಟ್ಟವಾದ ಕಾಡಿದೆ. ಇನ್ನು ಅಲ್ಲಿನ ಪುಟ್ಟ ಗುಡ್ಡದ ಮೇಲೆ ನಿಂತಿರುವ ಈ ವಿದ್ಯಾಶಂಕರನ ಬಗ್ಗೆ ಬಹಳ ಮಂದಿಗೆ ಗೊತ್ತಿಲ್ಲ. ವಿದ್ಯಾಶಂಕರ ಅಥವಾ ಸುತ್ತಲಿನವರ ಪಾಲಿನ ಓದೋ ಶಂಕರ ಇರುವುದು ದೇವರಾಯನ ದುರ್ಗದಿಂದ ಗೊರವನ ಲಕ್ಷ್ಮಿ ದೇವಸ್ಥಾನಕ್ಕೆ ಹೋಗುವ ದಾರಿ ಮಧ್ಯೆ. ತುಮಕೂರು ಜಿಲ್ಲೆಯ ದೇವರಾಯನ ದುರ್ಗ, ನಾಮಚಿಲುಮೆ ಪರಿಚಿತವಾದ ಪ್ರವಾಸಿ ತಾಣ. ಅಲ್ಲಿವರೆಗೆ ಹೋಗುವ ಪ್ರವಾಸಿಗರು ಅಲ್ಲಿಂದ ಎರಡ್ಮೂರು ಕಿಲೋಮೀಟರ್ ದೂರದಲ್ಲಿರುವ ವಿದ್ಯಾಶಂಕರ ದೇಗುಲದ ದರ್ಶನದಿಂದ ತಪ್ಪಿಸಿಕೊಳ್ಳುತ್ತಾರೆ.

ಆ ಬಗ್ಗೆ ಮಾಹಿತಿ ಇಲ್ಲದೆ ಹೀಗಾಗುತ್ತದೆಸುಮಾರು ಎಂಟು ನೂರು ವರ್ಷದ ಹಳೆಯ ದೇಗುಲ ಹಾಗೂ ಶಿವಲಿಂಗಕ್ಕೆ ಮತ್ತೆ ಇಂದಿನ ರೂಪ ನೀಡಿರುವುದು ಟಿವಿಎಸ್ ಕಂಪನಿಯವರು. ದೇವಾಲಯದ ಆವರಣ, ಅಲ್ಲಿನ ಪ್ರಶಾಂತ ವಾತಾವರಣ, ಸ್ವಚ್ಛವಾದ ಪರಿಸರ ನೋಡಿದ ಮೇಲಂತೂ ಆ ಕಂಪನಿಯವರ ಶ್ರದ್ಧೆ, ಭಕ್ತಿ, ಆಸಕ್ತಿ ಹೆಚ್ಚು ಸ್ಪಷ್ಟವಾಗುತ್ತದೆ. ದೇವರಾಯನ ದುರ್ಗದ ನಾಮಚಿಲುಮೆಯ ಬಳಿ ಕೊರಟಗೆರೆ ಕಡೆಗೆ ಹೋಗುವ ಮಾರ್ಗದಲ್ಲಿ ಎಡಕ್ಕೆ ಹೊರಳಿದರೆ ಎರಡ್ಮೂರು ಕಿಲೋಮೀಟರ್ ಫಾಸಲೆಯಲ್ಲಿ, ಎಡಭಾಗಕ್ಕೆ ಈ ದೇವಸ್ಥಾನವಿದೆ. ದೊಡ್ಡ ಗೇಟೊಂದು ಕಾಣಿಸುತ್ತದೆ. ಅದರ ಒಳಕ್ಕೆ ಹೋದರೆ ಕೆಲವು ನೂರು ಅಡಿಗಳ ದೂರದಲ್ಲಿ ಮೆಟ್ಟಿಲುಗಳು ಇದ್ದು, ಅದನ್ನು ಹತ್ತಿದರೆ ವಿದ್ಯಾಶಂಕರನ ಗುಡಿ ಇದೆ. ದಿನದ ಪ್ರವಾಸಕ್ಕೆ ಸೂಕ್ತ ದೇವರಾಯನ ದುರ್ಗ ಬೆಂಗಳೂರಿನಿಂದ ಒಂದು ದಿನದ ಮಟ್ಟಿಗೆ ಪ್ರವಾಸ ಹೊರಡಬೇಕು ಎಂದುಕೊಳ್ಳುವವರ ಪಾಲಿಗೆ ಹೇಳಿ ಮಾಡಿಸಿದಂಥ ಸ್ಥಳ. ನಾಮಚಿಲುಮೆ,ನರಸಿಂಹ ದೇವಸ್ಥಾನಗಳ ಜತೆಗೆ ವಿದ್ಯಾಶಂಕರನ ದರ್ಶನ ಪಡೆಯಬಹುದು. ದೇವರಾಯನ ದುರ್ಗ ಜೀವ ವೈವಿಧ್ಯಗಳ ವಿಶಿಷ್ಟ ತಾಣ.

ಜಿಂಕೆ, ಚಿರತೆ, ಕರಡಿ ಕಾಣಿಸಿಕೊಳ್ಳುವ ಸಾಧ್ಯತೆಯೂ ಉಂಟು ದುರ್ಗದ ಹಳ್ಳಿಯ ದೈವ ಬೆಂಗಳೂರಿನಿಂದ ಬರುವ ಮಾರ್ಗದಲ್ಲಿ ನಾಮಚಿಲುಮೆಯಿಂದ ಬಲಕ್ಕೆ ಹೋದರೆ ದೇವರಾಯನ ದುರ್ಗದ ನರಸಿಂಹ ದೇವಾಲಯಕ್ಕೆ ಹೋದರೆ, ಎಡಕ್ಕೆ ದುರ್ಗದಹಳ್ಳಿ ಬಳಿ ಇರುವುದೇ ವಿದ್ಯಾಶಂಕರ. ಕಾರ್ತೀಕ ಮಾಸ, ಧನುರ್ಮಾಸ ಹಾಗೂ ಆರಿದ್ರಾ ನಕ್ಷತ್ರ ಇರುವಾಗ ವಿಶೇಷ ಪೂಜೆ ಮಾಡಲಾಗುತ್ತದೆ 800 ವರ್ಷ ಹಳೆಯದು ಚೋಳರ ಕಾಲದಲ್ಲಿ ನಿರ್ಮಿಸಲಾದ ಈ ವಿದ್ಯಾಶಂಕರ ದೇವಾಲಯಕ್ಕೆ ಎಂಟು ನೂರು ವರ್ಷಗಳ ಇತಿಹಾಸವಿದೆ. ನಿತ್ಯ ಬೆಳಗ್ಗೆ ಎಂಟರಿಂದ ಸಂಜೆ ಆರರವರೆಗೆ ಮಾತ್ರ ದೇವಾಲಯ ತೆರೆದಿರುತ್ತದೆ. ಸುತ್ತ ಮುತ್ತ ಯಾವುದೇ ಅಂಗಡಿ ಇಲ್ಲದ ಕಾರಣ ಹಣ್ಣು-ಕಾಯಿ ಇತರ ಪೂಜಾ ಸಾಮಗ್ರಿಗಳನ್ನು ತೆಗೆದುಕೊಂಡು ಹೋಗುವುದು ಕ್ಷೇಮ. ಪಾಠಶಾಲೆಯಾಗಿತ್ತು ದುರ್ಗದ ಹಳ್ಳಿ ಹಾಗೂ ಸುತ್ತಮುತ್ತಲ ಹಳ್ಳಿಯ ಮಕ್ಕಳಿಗೆ ಈ ದೇವಾಲಯ ಪಾಠಶಾಲೆಯಾಗಿತ್ತಂತೆ. ಆ ಕಾರಣಕ್ಕೆ ಜನರು ವಿದ್ಯಾಶಂಕರ ಅಥವಾ ಓದೋ ಶಂಕರ ಎನ್ನುತ್ತಾರೆ. ಏಕೈಕ ಶೈವ ದೇಗುಲ ಇತಿಹಾಸ ಅಥವಾ ಪುರಾಣದ ಪ್ರಸ್ತಾವದ ಹಿನ್ನೆಲೆಯಲ್ಲಿ ಗಮನಿಸಿದರೆ ನರಸಿಂಹ ಮತ್ತಿತರ ವೈಷ್ಣವ ದೇವಾಲಯದ ಮಧ್ಯೆ ಇರುವ ಹಳೆಯ ದೇವಾಲಯ ವಿದ್ಯಾಶಂಕರನದು. ಟಿವಿಎಸ್ ಕಂಪನಿ ಅಭಿವೃದ್ಧಿ ದೇವರಾಯನದುರ್ಗವನ್ನು ದತ್ತು ಪಡೆದ ಟಿವಿಎಸ್ ಕಂಪನಿಯವರು ಅಷ್ಟಮಂಗಲ ಪ್ರಶ್ನೆ ಕೇಳಿಸಿದ್ದಾರೆ. ಅಗ ಇಲ್ಲಿನ

ಶಿಥಿಲಾವಸ್ಥೆ ಶಿವ ದೇಗುಲದ ಮಾಹಿತಿ ದೊರೆತು, ಅದರ ಜೀರ್ಣೋದ್ಧಾರಕ್ಕೆ ಸೂಚನೆ ಸಿಕ್ಕಿದೆ. ಒಂದೊಂದು ಕಲ್ಲು ಪಳೆಯುಳಿಕೆಯಂತೆ ಉಳಿದಿದ್ದ ದೇವಾಲಯ ನಿರ್ಮಾಣದ ಕಲ್ಲುಗಳನ್ನು ಒಂದೊಂದಕ್ಕೂ ಸಂಖ್ಯೆ ನೀಡಿ, ಮೂಲಸ್ವರೂಪವನ್ನು ಉಳಿಸಿ, ಅಚ್ಚುಕಟ್ಟಾಗಿ ನಿರ್ಮಿಸಿದ್ದಾರೆ ಟಿವಿಎಸ್ ಕಂಪೆನಿಯವರು. ಹಲವು ದೇಗುಲ 2004ರಲ್ಲಿ ವಿದ್ಯಾಶಂಕರ ದೇಗುಲದ ಪುನರ್ ಪ್ರತಿಷ್ಠಾಪನೆ ಮಾಡಲಾಯಿತು. ಇಲ್ಲಿಂದ ಪೂರ್ವಕ್ಕೆ ಘಾಟಿ ಸುಬ್ರಹ್ಮಣ್ಯ, ಯೋಗ ನಂದೀಶ್ವರ ದೇಗಲವಿದೆ. ಈ ಮೂರೂ ದೇವಾಲಯವನ್ನು ಒಂದೇ ದಿನ ದರ್ಶಿಸಿದರೆ ಹೆಚ್ಚು ಪುಣ್ಯ ಎಂಬುದು ಸ್ಥಳೀಯರ ನಂಬಿಕೆ. ಎಚ್ಚರಿಕೆ ವಹಿಸಿ ವಿದ್ಯಾಶಂಕರ ದೇಗುಲದ ಆವರಣ ಹಾಗೂ ಸುತ್ತಮುತ್ತಲ ಪ್ರದೇಶ ತುಂಬ ಸೂಕ್ಷ್ಮವಾದದ್ದು. ಇಲ್ಲಿನ ಜೀವ ವೈವಿಧ್ಯ, ಪರಿಸರದ ಬಗ್ಗೆ ಪ್ರೀತಿ, ಕಾಳಜಿ ಇಟ್ಟುಕೊಂಡು ಇಲ್ಲಿಗೆ ಹೋದರೆ ಒಳ್ಳೆಯದು. ಇನ್ನೂ ಪ್ರವಾಸಿಗರ ಪಾಲಿಗೆ ಪುರ್ಣವಾಗಿ ಸಿಕ್ಕದ ಈ ಪ್ರದೇಶದಲ್ಲಿ ಪ್ಲಾಸ್ಟಿಕ್, ತ್ಯಾಜ್ಯ ಅಥವಾ ಪರಿಸರಕ್ಕೆ ಹಾನಿಯಾಗುವ ಯಾವ ವಸ್ತು ಹಾಕದಿರುವಂತೆ ಎಚ್ಚರ ವಹಿಸಿ.

Read more at: http://kannada.oneindia.com/travel/vidyashankara-unique-temple-of-devarayanadurga/slider-pf57414-108206.html

 

ನವರಾತ್ರಿಗೆ ಸಿದ್ಧಗೊಂಡಿದೆ ಹೆಬ್ಬೂರು ಶ್ರೀಚಕ್ರ ಕಾಮಾಕ್ಷಿ ದೇಗುಲ

http://kannada.oneindia.com/festivals/dasara/navaratri-grand-celebration-in-hebbur-kamakshi-temple-107738.html

ಕಾಮಾಕ್ಷಿ ಶಾರದಾಂಬೆ

ನವರಾತ್ರಿ ಇನ್ನೇನು ಸನಿಹದಲ್ಲಿದೆ, ನಾಡಿನ ಒಂದೊಂದು ಭಾಗದಲ್ಲಿ ಒಂದೊಂದು ರೀತಿಯಲ್ಲಿ ನವರಾತ್ರಿ ಆಚರಿಸುತ್ತಾರೆ. ತುಮಕೂರು ಜಿಲ್ಲೆಯ ಹೆಬ್ಬೂರಿನಲ್ಲೂ ವಿಜೃಂಬಣೆಯಿಂದ ಆಚರಣೆ ಆಗುತ್ತದೆ. ಇಲ್ಲಿನ ಕಾಮಾಕ್ಷಿ ದೇಗುಲದಲ್ಲಿ ಚಟುವಟಿಕೆ ಮತ್ತೂ ಹೆಚ್ಚುತ್ತದೆ. ರಾಜ್ಯದ ನಾನಾ ಭಾಗಗಳಿಂದ ಬಂದು ಇಲ್ಲಿ ಪೂಜೆ ಮಾಡುತ್ತಾರೆ. 15ನೇ ಶತಮಾನದಲ್ಲಿ ಅದ್ವೈತ ಪರಂಪರೆ ಯತಿಗಳಾದ ಕೋದಂಡರಾಮಾಶ್ರಮ ಸ್ವಾಮಿಗಳು ಪೂಜಿಸಿದ ಕಾಮಾಕ್ಷಿ ಶಾರದಾಂಬೆ ನೆಲೆನಿಂತ ದೇಗುಲ ಇಲ್ಲಿದೆ. ಇಲ್ಲಿನ ಇನ್ನೊಂದು ವಿಶೇಷ ಅಂದರೆ ಮೇರು ಪ್ರಸ್ತಾರ ಚಿದಂಬರ ಶ್ರೀಚಕ್ರ. 10 ಅಂಗುಲ ಎತ್ತರ, 12 ಅಂಗುಲ ಅಗಲ, 12 ಅಂಗುಲ ಉದ್ದವಿರುವ ಇಲ್ಲಿನ ಶ್ರೀಚಕ್ರವನ್ನು ನುರಿತ ತಂತ್ರಾಗಮ ನಿಪುಣರೇ ಮಾಡಿದ್ದಾರೆ ಎಂಬುದು ನೋಡಿದ ತಕ್ಷಣವೇ ತಿಳಿಯುತ್ತದೆ.

ಚಿದಂಬರ ಶ್ರೀಚಕ್ರ

ಈ ಶ್ರೀಚಕ್ರದಲ್ಲಿ ಬಿಂದು, ತ್ರಿಕೋಣ, ಪಂಚಕೋಣ, ಅಷ್ಟಕೋಣ, ದ್ವಾದಶಕೋಣ, ಅಷ್ಟಾದಶ ಕೋಣ, ಪಂಚವಿಂಶತಿ ಕೋಣ ಹಾಗೂ ಪಂಚತ್ರಿಂಶತ್ ಕೋಣಗಳಿವೆ. ಅಲ್ಲದೆ ಇದಕ್ಕೆ ಕೂರ್ಮ ಪೀಠವಿದ್ದು, ಅದರ ಮೇಲೆ ಅಷ್ಟ ದಿಗ್ಗಜಗಳು, ಅಷ್ಟ ದಿಗ್ನಾಗಗಳು, ಅಷ್ಟ ಶಕ್ತಿಗಳು ಇವೆ. ಕಮಲ ದಳ, ಸ್ವರ್ಣ ಕಳಶ ಭೂಪುರ ಮತ್ತು ಏಳು ಆವರಣಗಳಲ್ಲಿ 35, 25, 22, 18, 12, 8, 5ರಂತೆ ಕಮಲದ ದಳಗಳು ಮತ್ತು ಸ್ವರ್ಣಕಳಶ ರೂಪದ ಬಿಂದುವಿನ ರೀತಿಯ ರಚನೆ ಇವೆ. ಈ ದೇಗುಲವೂ ಶ್ರೀಚಕ್ರ ಮಾದರಿಯಲ್ಲೇ ಇದೆ. ಕಾಮಾಕ್ಷಿ ವಿಗ್ರಹ ಇರುವ ಪೀಠವೂ ಶ್ರೀಚಕ್ರ ಮಾದರಿಯಲ್ಲೇ ನಿರ್ಮಿಸಲಾಗಿದೆ ಮತ್ತು ಪಚ್ಚೆಯ ಮತ್ತೊಂದು ಶ್ರೀಚಕ್ರಕ್ಕೆ ದಿನವೂ ಪೂಜೆ ನಡೆಯುತ್ತದೆ. ವಿವಿಧ ಹೋಮ, ವಿಶೇಷ ಪೂಜೆ ಮಹಾಲಯ ಅಮಾವಾಸ್ಯೆ ಅಮ್ಮನವರಿಗೆ ನವಕಾಭಿಷೇಕ, ದುರ್ಗಾಹೋಮದಿಂದ ಪ್ರಾರಂಭವಾಗಿ ಒಂಬತ್ತು ದಿನವೂ ವಿವಿಧ ಹೋಮ, ವಿಶೇಷ ಪೂಜೆಗಳು ನಡೆಯುತ್ತವೆ. ಲಲಿತಾ ಪಂಚಮಿಯಂದು ಲಲಿತಾಹೋಮ, ದುರ್ಗಾಷ್ಟಮಿಯಂದು ದುರ್ಗಾ ಹೋಮಗಳು ನಡೆಯುತ್ತವೆ. ಅಷ್ಟಮಿ ಹಾಗೂ ಪಂಚಮಿ ಹೊರತುಪಡಿಸಿ ಎಲ್ಲ ದಿನವೂ ಚಂಡಿಕಾ ಹೋಮ ನಡೆಯುತ್ತದೆ. ರಸ್ತೆಯೂ ಚೆನ್ನಾಗಿದೆ ಇನ್ನು ಹೆಬ್ಬೂರಿಗೆ ತುಮಕೂರಿನ ಕಡೆಯಿಂದ ಬಂದರೆ ಇಪ್ಪತ್ಮೂರು ಕಿ.ಮೀ ಆಗುತ್ತದೆ. ಇನು ಕುಣಿಗಲ್ ಕಡೆಯಿಂದ ಬರುವುದಾದರೆ ಹದಿನೈದು ಕಿ.ಮೀ. ಎರಡೂ ಕಡೆಯಿಂದ ರಸ್ತೆ ತುಂಬ ಚೆನ್ನಾಗಿದೆ. ಭಕ್ತರಿಗೆ ಪ್ರಸಾದ ಮಠವು ಈ ವರೆಗೆ 11 ಪೀಠಾಧಿಪತಿಗಳನ್ನು ಕಂಡಿದೆ. ಹಿಂದಿನ ಪೀಠಾಧಿಪತಿಗಳಾದ ನಾರಾಯಣಾಶ್ರಮ ಸ್ವಾಮಿಗಳ ಕಾಲದಲ್ಲಿ ಅಭಿವೃದ್ಧಿ ಹೊಂದಿದ್ದು, ಸದ್ಯಕ್ಕೆ ಮಠವನ್ನು ಮಾಧವಾಶ್ರಮ ಸ್ವಾಮಿಗಳು ಮುನ್ನಡೆಸುತ್ತಿದ್ದಾರೆ. ಮಹಾಲಯ ಅಮಾವಾಸ್ಯೆಯಿಂದ ಆರಂಭವಾಗಿ ನವರಾತ್ರಿ ಪೂರ್ಣವಾಗುವವರೆಗೆ ಮಠಕ್ಕೆ ಬರುವ ಭಕ್ತರಿಗೆ ಊಟದ ವ್ಯವಸ್ಥೆ ಇರುತ್ತದೆ. ಒಂಬತ್ತು ದಿನದ ವಿಶೇಷ ನವರಾತ್ರಿಯ ಒಂಬತ್ತು ದಿನದಲ್ಲಿ ದೇವಿಯು ದುರ್ಗಾ, ಆರ್ಯಾ, ಭಗವತೀ, ಕುಮಾರಿ, ಅಂಬಿಕಾ, ಮಹಿಷ ಮರ್ದಿನಿ, ಚಂಡಿಕಾ, ಸರಸ್ವತಿ ಹಾಗೂ ವಾಗೀಶ್ವರಿಯ ರೂಪದಲ್ಲಿ ಇರುತ್ತಾಳೆ ಎಂಬುದು ನಂಬಿಕೆ.

ಚಿದಂಬರ ಶ್ರೀಚಕ್ರ

ಕಾಮಾಕ್ಷಿ ಶಾರದಾಂಬೆ

ದೇಗುಲದ ಹೊರಾಗಣ

ಶ್ರೀಮಠದಲ್ಲಿರುವ ಗಣಪತಿ

ಸತ್ಯನಾರಾಯಣ

ದೇವ ವೈದ್ಯ ಧನ್ವಂತರಿ ವಿಗ್ರಹ

ಬ್ರಹ್ಮೀಭೂತ ನಾರಾಯಣಾಶ್ರಮ ಸ್ವಾಮಿಗಳ ಅಧೀಷ್ಠಾನ

ಮಾಧವಾಶ್ರಮ ಸ್ವಾಮಿಗಳು

ಸಪತ್ನೀ ಸಮೇತ ನವಗ್ರಹಗಳು

ಮೇರು ಆಕಾರದ ಗರ್ಭಗುಡಿಯ ಗೋಪುರ

Read more at: http://kannada.oneindia.com/festivals/dasara/navaratri-grand-celebration-in-hebbur-kamakshi-temple/slider-pf57021-107738.html

ಬಂಡೀಪುರದಲ್ಲಿ `ಪ್ರಿನ್ಸ್’ ಎಂಬ ವಿಸ್ಮಯ

ಕಾಡು ಹಲವು ವಿಸ್ಮಯಗಳ ಬೀಡು, ಹಲವು ಮೃಗಾಲಯಗಳಲ್ಲಿ  ಪ್ರಾಣಿಗಳನ್ನು ಕಂಡಿದ್ದ ನನಗೆ  ಅವುಗಳ ಮನೆಯಲ್ಲಿ ಅವನ್ನು ಭೇಟಿಯ ಹಂಬಲ ಮೊಳಕೆಯೊಡೆದಿತ್ತು ಇದರೊಂದಿಗೆ ಛಾಯಾಗ್ರಣದ ಹುಚ್ಚು ಸೇರಿಕೊಂಡು ಹಲವಾರು ಬಾರಿ ಹಲವು ಕಾಡುಗಳಿಗೆ ಭೇಟಿ ನೀಡಿದ್ದಾಗಿತ್ತು. 

ಈ ಮೊದಲು ಹಲವು ಕಾಡುಗಳಿಗೆ ಭೇಟಿ ನೀಡಿ ಹಲವು ಪ್ರಾಣಿಗಳನ್ನು ಭೇಟಿಯಾಗಿದ್ದಾಯಿತು. ಆದರೂ ಹಲವು ಭೇಟಿಯಾಗುವ ಕರುಣೆ ತೋರಿರಲಿಲ್ಲ. ಮತ್ತೆ ಕಾಡಿಗೆ ಹೋಗಲು ಆಸಕ್ತಿ ಇದ್ದ ನನಗೆ ಫೆಸ್‌ಬುಕ್‌ನಲ್ಲಿ ಬಂಡೀಪುರದಲ್ಲಿ ಆಗಸ್ಟ್ 27-28ರಂದು ‘ಜಂಗಲ್ ಡೈರಿ’ ಸಂಸ್ಥೆ ಆಯೋಜಿಸಿರುವ ವೈಲ್ಡ್ ಲೈಫ್ ಫೋಟೊಗ್ರಾಫಿ ಫ್ಯಾಕೇಜ್ ಟೂರ್ ಇಷ್ಟವಾಗಿ ಅದರ ಸಾರಥಿ ಗಗನ್ ಅವರೊಂದಿಗೆ ಚರ್ಚಿಸಿ ನನ್ನ ಸ್ಥಾನ ಕಾದಿರಿಸಿದೆ. 

ಇದಲ್ಲದೆ ಒಬ್ಬನೇ ಹೋಗುವ ಬೇಸರ ಕಳೆಯಲು ನನ್ನ ಊರಿನ ಸ್ನೇಹಿತರಾದ ಸುಬ್ರಹ್ಮಣ್ಯ ,ಲೋಕೇಶ್ ಅವರನ್ನು ಹೋರಡಿಸಲು ಒಪ್ಪಿಸಿದ್ದಾಯಿತು. ಹೊರಡಲು ಒಂದು ವಾರವಿರುವಾಗ ಸಂಸ್ಥೆಯವರು ‘ಬಂಡೀಪುರ ಅಡ್ವೇಂಚರ್ಸ್’ ಎಂಬ ವಾಟ್ಸ್ ಆಪ್ ಗ್ರೂಪ್‌ ರಚಿಸಿ ನಿತ್ಯ ಸಫಾರಿಗಳಲ್ಲಿ ಸಿಗುತ್ತಿರುವ ಪ್ರಾಣಿಗಳನ್ನು ತಿಳಿಸುತ್ತಿದ್ದರು. ಬಂಡೀಪುರದ ಕುರಿತು ಮಹತ್ವದ ಮಾಹಿತಿ ನೀಡುತ್ತಿದ್ದರು. 

ನಮಗೆ ಬಂಡೀಪುರದಲ್ಲಿರುವ ಅರಣ್ಯ ಇಲಾಖೆ ಡಾರ್ಮೆಟರಿಗಳಲ್ಲಿ ಉಳಿದುಕೊಳ್ಳಲು ವ್ಯವಸ್ಥೆ ಮಾಡಲಾಗಿತ್ತು. ಇದೆಲ್ಲದ್ದಕ್ಕಿಂತ ಮುಖ್ಯವಾಗಿ ಹುಲಿ, ಚಿರತೆ ಸತತವಾಗಿ ದರ್ಶನ ನೀಡುತ್ತಿರುವ ಮಾಹಿತಿ ದೊರೆಯುತ್ತಿತ್ತು. 

ಸರಿ ಹೊರಡುವ ದಿನ ನಮ್ಮ ಊರು ಹೆಬ್ಬೂರಿನಿಂದ ಮೈಸೂರಿಗೆ ಹೋಗಿ ಗುಂಡ್ಲುಪೇಟೆ ಮಾರ್ಗವಾಗಿ ಬಂಡೀಪುರ ತಲುಪುವ ಯೋಜನೆ ರೂಪಿಸಲಾಗಿತ್ತು. ನಾವು ನಮ್ಮ ಊರಿನಿಂದ ಬೆಳ್ಳಗ್ಗೆ 8ಗಂಟೆಗೆ ಹೊರಟು ನಿಂತೆವು. 

ಬಸ್‌ ಮಂಡ್ಯ ತಲುಪುವ ವೇಳೆಗೆ ಗಂಟೆ ಮಧ್ಯಾಹ್ನ 11 ಆಗಿತ್ತು. ನಮಗೆ ಡಾರ್ಮೆಟರಿಗಳಲ್ಲಿ 12ಗಂಟೆಗೆ ಚೆಕ್‌ ಇನ್‌  ಆಗಲು ಸೂಚಿಸಲಾಗಿತ್ತು. ಆದರೆ ನಮ್ಮ ಅದೃಷ್ಟಕ್ಕೆ ಮಂಡ್ಯದಾಟುವ ವೇಳೆಗೆ ಗಗನ್ ಅವರು ಕರೆ ಮಾಡಿ ಶ್ರೀರಂಗಪಟ್ಟಣದಲ್ಲಿ ಇಳಿಯಲು ತಿಳಿಸಿ ತಮ್ಮ ಕಾರಿನಲ್ಲಿ ಬರಲು ತಿಳಿಸಿದರು. 

ಸರಿ ಶ್ರೀರಂಗಪಟ್ಟಣದಿಂದ ಅವರೊಡನೆ ಹೊರಟನಾವು ಬಂಡೀಪುರ ತಲುಪುವ ವೇಳೆಗೆ ಸಮಯ ಮಧ್ಯಾಹ್ನ 1.30 ದಾಟಿತ್ತು. ನಾವು ಬರುವ ವೇಳೆಗಾಗಲೆ 16ಜನರ ತಂಡ ಡಾರ್ಮೆಟರಿಯಲ್ಲಿ ಠಿಕ್ಕಾಣಿ ಹೂಡಿತ್ತು. ನಾವು ಅಲ್ಲಿ ತಲುಪಿ ಫ್ರೆಶ್ಆಫ್ ಆಗಿ ಊಟಕ್ಕೆ ಕ್ಯಾಂಟೀನ್ ತಲುಪಿದೆವು. ಕ್ಯಾಂಟೀನ್ ಊಟ ಇಷ್ಟವಾಯಿತು. ಊಟದ ನಂತರ ಕ್ಯಾಂಟೀನ್ ಮುಂಭಾಗದಲ್ಲಿ ಪರಿಚಯ ಮಾಡಿಕೊಂಡೆವು.

ಗಗನ್ ಬಂಡೀಪುರ ಕಾಡಿನ ಕುರಿತು ಮಾಹಿತಿ ನೀಡಿದರು ಮತ್ತು ಸಫಾರಿ ಸಮಯದಲ್ಲಿ ಹೇಗೆ ವರ್ತಿಸಬೇಕು ಎಂದು ತಿಳಿಸಿದರು. 

ಇದೇ ಸಮಯವೆಂಬಂತೆ ನನ್ನ ಕ್ಯಾಮೆರಾ ಮಹಾಶಯ ಉಪದ್ರ ನೀಡಲು ಶುರು ಮಾಡಿದ್ದ. ಸಫಾರಿ ಹೋಗಲು ಉಳಿದಿದ್ದ 15-20 ನಿಮಿಷಗಳಲ್ಲಿ ತಾಳ್ಮೆ ಇರಲಿ ಅಂತ ಅದಕ್ಕೆ ಬುದ್ಧಿ ಹೇಳಿದೆ. ನಮ್ಮ 18 ಜನರ ಸಫಾರಿಗೆ ಸಾಕಾಗುವಂತಹ ಎಸ್.ಎಮ್.ಎಲ್ ವಾಹನ ಸಂಜೆ ಎರಡು ಸಫಾರಿಗಳಿಗೆ ಬುಕ್ ಮಾಡಲಾಗಿತ್ತು. 

ನಾನು ವಾಹನವನ್ನು ಬೇಗ ಹತ್ತಿ ಪೋಟೋ ತೆಗೆಯಲು ಸಹಕಾರಿಯಾಗಿರುವ ಕಿಟಕಿ ಪಕ್ಕದ ಆಸನವನ್ನು ಹಿಡಿದೆ. ನಮ್ಮ ವಾಹನವನ್ನು ಸುಮಾರು 20 ವರ್ಷ ಬಂಡೀಪುರದಲ್ಲಿ ವಾಹನ ಚಾಲಕರಾಗಿರುವ ಮೋಯಿನ್‌ ಅವರು ಚಲಾಯಿಸುತ್ತಿದ್ದರು. ನಮ್ಮ ವಾಹನ ಮೊದಲು ಎಲ್ಲ ವಾಹನಗಳು ಚಲಿಸಿದ ಮಾರ್ಗ ಬಿಟ್ಟು ಚಿಕ್ಕಸುರಳಿಕಟ್ಟೆ ಮಾರ್ಗದಲ್ಲಿ ಅರಣ್ಯ ಪ್ರವೇಶಿಸಿದ ತಕ್ಷಣ ಆಹಾರ ಅರಸುತ್ತಿದ್ದ ಮುಂಗುಸಿ ಸ್ವಾಗತ ಕೋರಿತು. 

ಕೆಲವರು ಅದರ ಪೋಟೋ ಕ್ಲಿಕಿಸಿದರು. ಇನ್ನು ಸ್ವಲ್ಪ ದೂರ ಹೋಗುವ ವೇಳೆಗೆ ಒಂದು ಬೋಳು ಮರದ ಮೇಲೆ ಕುಳಿತಿದ್ದ ಹಸಿರು ಬಾಲದ ಜೇನು ಹಿಡುಕ ದರುಶನ ಭಾಗ್ಯ

ಹಸಿರು ಬಾಲದ ಜೇನು ಹಿಡುಕ

ನಮಗಾಗಿತ್ತು. ಅಲ್ಲಿಂದ ನಾವು ಎರೆಕಟ್ಟೆ, ಕೊಳತಮಲ್ಲಿ ಕಟ್ಟೆ ಕಡೆಯಿಂದ ಅರಣ್ಯ ಪ್ರವೇಶಿಸುವ ವೇಳೆಗೆ ಮಳೆ ಧೋ ಏಂದು ಸುರಿಯಿತು, ಮಳೆಗೆ ಕಾಡೆಮ್ಮೆ ಹೊರತುಪಡಿಸಿ ಮತ್ತಾವ ಪ್ರಾಣಿಯು ಸಿಗಲಿಲ್ಲ. 

ಎರಡನೇ ಬಾರಿ ಸಫಾರಿಗೆ ನಮ್ಮ ವಾಹನ ಅರಣ್ಯ ಇಲಾಖೆ ಕಚೇರಿ ಬಳಿಯಿಂದ ಹೊರಟಿತು. 

ಆ ವೇಳೆಗೆ ಶುಭ ಸೂಚನೆ ಎಂಬಂತೆ ಸುರಿಯುತ್ತಿದ್ದ ಮಳೆಯು ನಿಂತಿತ್ತು, ಸಫಾರಿ ಹೊರಟ ಸ್ವಲ್ಪ ಹೊತ್ತಿಗೆ ನಮ್ಮ ಚಾಲಕ ಮತ್ತು ಗಗನ್ ಅವರಿಗೆ ಹುಲಿರಾಯ ಕರೆಗೌಡನಕಟ್ಟೆ

ಪ್ರದೇಶದಲ್ಲಿ ಇರುವ ಕುರಿತು ಮಾಹಿತಿ ಸಿಕ್ಕಿತ್ತು. ನಮ್ಮ ವಾಹನ ಚಲಾಯಿಸುತ್ತಿದ್ದ ಮೋಯಿನ್‌ ಕಾಡಿನ ದಾರಿ ಬಗ್ಗೆ ಸಂಪೂರ್ಣ ತಿಳಿವಳಿಕೆ ಹೊಂದಿದ್ದರು.

ಅರಣ್ಯದಲ್ಲಿ ಮಳೆಯಿಂದ ಜಾರುವ ರಸ್ತೆಯಲ್ಲಿ ವೇಗವಾಗಿ ಆ ಜಾಗ ತಲುಪಿದರು. ನಾವು ಅಲ್ಲಿ ಬರುವ ಬಗ್ಗೆ ಸುಳಿವರಿತ ಹುಲಿರಾಯ ನಮ್ಮ ವಾಹನ ಬರುವ ಸಮಯಕ್ಕೆ ಸರಿಯಾಗಿ ರಸ್ತೆಯ ಆ ಬದಿಯಿಂದ ಈ ಬದಿಗೆ ಛಂಗನೆ ನೆಗೆದು ಪರಾರಿಯಾದ.  ಚಾಲಕರ ಸಮೀಪದ ಆಸನದಲ್ಲಿ ಕುಳಿತ ಮಲ್ಲಿಕಾರ್ಜುನ್ ಹೊರತುಪಡಿಸಿ ಮತ್ತಾರಿಗೂ ಅದರ ದರ್ಶನ ಸಿಗಲಿಲ್ಲ. ತುಂಬ ಸಮಯ ನಮ್ಮ ತಂಡ ಕರೇಗೌಡನಕಟ್ಟೆ ಬಳಿಯಲ್ಲೆ ಹುಲಿಯ ನಿರೀಕ್ಷೆಯಲ್ಲೆ ಕಳೆಯಿತು.

ಸುಮಾರು 30–40 ನಿಮಿಷಗಳ ನಿರೀಕ್ಷೆ ನಂತರ ನಮ್ಮ ಚಾಲಕ ಅದು ‘ಮಿನಿಷ್ಟರ್‌ ಗುತ್ತಿ’ ಪ್ರದೇಶದ ಕಡೆ ಹೋಗಿರಬಹುದೆಂದು ಅಂದಾಜಿಸಿ ನಮ್ಮ ವಾಹನವನ್ನು ಆ ಕಡೆಗೆ ಚಲಾಯಿಸಿದರು. ಅಲ್ಲಿ ಆ ವೇಳೆಗಾಗಲೆ ಸುಮಾರು 10–15 ವಾಹನಗಳು ಅಲ್ಲಿ ಠಿಕ್ಕಾಣಿ ಹೂಡಿದ್ದವು. ನಾವು ಅಲ್ಲಿಯ ಕೆರೆಯ ಎರಿಯ ಸಮೀಪದಲ್ಲಿ 20 ನಿಮಿಷ ಕಳೆದರೂ ಹುಲಿರಾಯ ಪ್ರತ್ಯಕ್ಷವಾಗಲಿಲ್ಲ. 

ಇದು ಹುಸಿ ಮಾಹಿತಿ ಎಂದು ಬಾವಿಸಿದ ನಾವು ನಮ್ಮ ವಾಹನವನ್ನು ಕೆರೆಯ ಎರಿಯ ಭಾಗದಿಂದ ತಿರುಗಿಸಿ ಸ್ವಲ್ಪ ಮುಂದೆ ಚಲಿಸುವ ವೇಳೆಗೆ ಹುಲಿ ನಾವು ಈ ಹಿಂದೆ ನಿಂತಿದ್ದ ಕೆರೆ ಎರಿಯ ಬಳಿಯೆ ಪ್ರತ್ಯಕ್ಷವಾಗಿದ್ದ.

ತಕ್ಷಣ ನಮ್ಮ ವಾಹನ ಚಾಲಕರು ಮುಂದೆ ಚಲಿಸುತ್ತಿದ್ದ ನಮ್ಮ ವಾಹನ ಕಾಡು ದಾರಿಯಲ್ಲಿ ವಾಹನಗಳ ದಟ್ಟಣೆಯ ನಡುವೆಯೂ ಹಿಮ್ಮುಖವಾಗಿ ಚಲಾಯಿಸಿ ಹುಲಿ ಚಲಿಸುತ್ತಿರುವ ಜಾಗಕ್ಕೆ ತಂದು ಬಿಟ್ಟರು.

ಮೊದಲ ಬಾರಿ ಕಾಡಿನ ಹುಲಿ ಕಂಡ ನಮಗೆ ಆದ ಆನಂದ ಹೇಳತೀರದಾಗಿತ್ತು. ನಾನು ಆವರೆಗೂ ಕೂತ್ತಿದ್ದ ಕಿಟಕಿ ಬಳಿ ಆಸನ ಬಿಟ್ಟು ವಾಹನದ ಎಂಜಿನ್ ಬಾಕ್ಸ್ ಮೇಲೆ ಕುಳಿತಿದ್ದೆ, ನನ್ನ ಮೇಲೆ ಅತೀವ ಪ್ರೀತಿ ತೋರಿದ ಹುಲಿರಾಯ ಸುಮಾರು

ಒಂದು ಕಿಲೋ.ಮೀಟರ್‌ಗಳಷ್ಟು ದೂರ ನನಗೆ ಕ್ಯಾಮೆರಾ ಅಭ್ಯಾಸ ನಡೆಸಲು ಸಹಕರಿಸಿದ. ನಡೆದ ಅಷ್ಟೂ ದೂರ ಅಲಲ್ಲಿ ಲಂಟಾನದ ಪೊದೆಗಳ ನಡುವೆ ಮಾಯವಾಗಿ ಮತ್ತೆ ನಮ್ಮ ವಾಹನದ ಬಳಿ ಕಾಣಿಸಿಕೊಳ್ಳುವ ಔದಾರ್ಯ ತೋರಿ ನಂತರ ಲಂಟಾನದ ಪೊದೆಗಳಲ್ಲಿ ಮರೆಯಾದ.

ಈ ನಡುವೆ ನಮ್ಮ ಚಾಲಕ ನನಗೆ ಆ ಹುಲಿಯ ಹೆಸರು ‘ಪ್ರಿನ್ಸ್’ ಎಂದು ಅದು ಬಹಳ ಹಸಿದಿರುವುದಾಗಿಯೂ ತಿಳಿಸಿದರು.

ನಾನು ಹುಲಿ ಇಂಥ ಜಾಗದಲ್ಲೆ ಇತ್ತು ಎಂದು ಹೇಗೆ ತಿಳಿಯಿತು ಎಂದಾಗ ಅವರು ಹುಲಿಬರುವ ಸಮಯಲ್ಲಿ ಎಚ್ಚರಿಸಿದ ಲಂಗೂರ್‌ ಕೋತಿಗಳು, ಜಿಂಕೆಗಳು ಕೂಗಿದ ಶಬ್ಧ ಹಾಗೂ ನೀರಿನಿಂದ ಹಾರಿದ ಹಕ್ಕಿಗಳ ಕುರಿತು ಹೇಳಿದರು. ಇದಲ್ಲದೆ ಹೆಜ್ಜೆ ಗುರುತು, ಮಲ , ಮರ ಪರಚಿರುವುದರ ಮೂಲಕ ತಿಳಿಯಬಹುದು ಎಂದರು.

ಹುಲಿ ಕಂಡ ಗುಂಗಿನಲ್ಲಿ ನಾವು ಅರಣ್ಯ ಇಲಾಖೆ ಡಾರ್ಮೆಟರಿ ತಲುಪುವ ವೇಳೆಗೆ ಸೂರ್ಯ ಮಲಗಿ ಚಂದ್ರ ಎಚ್ಚರಗೊಂಡಿದ್ದ ರಾತ್ರಿ 7.30ರ ಸುಮಾರಿಗೆ ಡಾರ್ಮೆಟರಿಯಿಂದ ಹೊರ ಬಂದು ಕ್ಯಾಂಟೀನ್ ಕಡೆಗೆ ಹೊರಟ ನಮಗೆ ಆ ಕಾಡಿನ ಕತ್ತಲಿನಲ್ಲಿ ಸಮಾರಷ್ಟು ಹೊಳೆಯುವ ಕಣ್ಣುಗಳು ಗೋಚರಿಸಿದವು. ಅವೇನೆಂದು ಮೊಬೈಲ್‌ ಕ್ಯಾಮೆರಾ ಆನ್ ಮಾಡಿದ ನಮಗೆ ಅಲ್ಲಿರುವ ಸುಮಾರು 250–300 ಜಿಂಕೆಗಳನ್ನು ಕಂಡು ಆನಂದ, ಆಶ್ಚರ್ಯ ಮತ್ತು ಭಯ ಒಮ್ಮೆಗೆ ಉಂಟಾದವು.

ನಾವು ಕ್ಯಾಂಟೀನ್ ತಲುಪುವ ವೇಳೆಗೆ ಗಗನ್‌ ಇನ್ನೂ ಕೆಲವು ಸಫಾರಿ ವಾಹನ ಚಾಲಕರ ಜತೆ ಚರ್ಚಿಸುತ್ತಿದ್ದರು. ಚರ್ಚೆ ಮುಗಿಸಿ ಬಂದ ಗಗನ್‌ ಮತ್ತೊಂದು ಸಫಾರಿ ವಾಹನಕ್ಕೆ ಕರೆಗೌಡನ ಕಟ್ಟೆ ಬಳಿ ಹುಲಿ ಕಾಡೆಮ್ಮೆ ಮೇಲೆ ವಿಫಲ ದಾಳಿ ಮಾಡಿದ ಕುರಿತು ತಿಳಿಸಿದ ವಿಷಯ ರೋಮಾಂಚನ ಉಂಟು ಮಾಡಿತು. ಹುಲಿ ಕುರಿತು ಯೊಚಿಸುತ್ತಿದ್ದ ನನಗೆ ನಿದ್ದೆ ಹತ್ತಿದ್ದೆ ತಿಳಿಯದಾಯಿತು.

ಎಚ್ಚರವಾದಾಗ ಬೆಳಿಗ್ಗೆ 5.30 ಆಗಿತ್ತು. ನಿತ್ಯ ಕರ್ಮಗಳನ್ನು ಮುಗಿಸಿ ಬೆಳ್ಳಗಿನ ಸಫಾರಿಗಾಗಿ ಹೊರಬಂದಾಗ ಸಮಯ ಸುಮಾರು 6 ಗಂಟೆ. ಡಾರ್ಮೆಟರಿಯಿಂದ ಹೊರ ಬಂದ ನನಗೆ ಮತ್ತು ನನ್ನ ಜೋತೆಯಲ್ಲೆ ಇದ್ದ ಆರ್ನವ್‌ನಿಗೆ ಜಾಂಬವಂತನ ದರ್ಶನ ಭಾಗ್ಯ ಸಿಕ್ಕಿತ್ತು. ಅದೇ ಖುಷಿಯಲ್ಲೆ ವಾಹನ ಎರಿದ ನನಗೆ ಆನಂದವೂ ಆನಂದ ನಮ್ಮ ವಾಹನ ಈ ಬಾರಿ ಡ್ಯಾಂ ರಸ್ತೆ ಮಾರ್ಗವಾಗಿ ಕಾಡಿನೊಳಗೆ ಪ್ರವೇಶಿಸಿತ್ತು. 

ಈ ರಸ್ತೆಯಲ್ಲಿ ನಮಗೆ ಜಿಂಕೆ ಹೊರತು ಪಡಿಸಿ ಯಾವ ಪ್ರಾಣಿ ಕಾಣಸಿಗಲಿಲ್ಲ, ನಂತರ ನಾವು ಕೊಳೆತಮಲ್ಲಿ ಕಟ್ಟೆ ಬಳಿಯ ಅರಣ್ಯ ಪ್ರವೇಶಿಸಿದವು. ಅಲ್ಲಿ ಕಾಡಿನಂಚಿನಲ್ಲೆ ಎರಡು ಆನೆಗಳು ನೋಡಲು ಸಿಕ್ಕವು. ಅವುಗಳಲ್ಲಿ ಆನೆಯೊಂದು ಮರಿಗೆ ಜನ್ಮ ನೀಡಿ ಕೆಲವೇ ಕ್ಷಣ ಕಳೆದಿತ್ತು. ನಡೆಯಲೂ ಆಗದ ಮರಿಯಾನೆ ರಕ್ಷಣೆಗೆ ನಿಂತಿದ್ದ ಎರಡೂ ಆನೆಗಳು ನಮಗೆ ಹತ್ತಿರ ಬರದಂತೆ ಬೆದರಿಸುತ್ತಿದ್ದವು.

ಸುಮಾರು ಹೊತ್ತು ಅಲ್ಲೆ ಕಳೆದ ನಾವು ಮತ್ತೆ ಅರಣ್ಯ ಇಲಾಖೆ ಕಚೇರಿ ಬಳಿ ತೆರಳಿ, ಚಳಿಗೆ ಹಿತವೆನಿಸುವ ಕಾಫಿ ಹೀರುವ ವೇಳೆಗೆ ಗಗನ್‌ ಮತ್ತೊಂದು ಸಫಾರಿಗೆ ಟಿಕೆಟ್ ಖರೀದಿಸಿದ್ದರು. ವಾಹನ ಹತ್ತಿದ ನಾವು ಈ ಬಾರಿ ಹುಲಿಕಟ್ಟೆ, ಆನೆಕಟ್ಟೆ, ಚಿಕ್ಕಸುರಳಿಕಟ್ಟೆ ಮತ್ತು ಯರೇಕಟ್ಟೆಗೆ ಭೇಟಿ ನೀಡಿ ಒಂಟಿ ಆನೆ, ಕಾಡೆಮ್ಮೆ, ಜಿಂಕೆ, ಬಣ್ಣದ ಕೊಕ್ಕರೆ, ಮರಕುಟಿಕ, ಕಾಡು ಪಾರಿವಾಳ, ಗಿಡುಗ, ಹದ್ದು ಹಾಗೂ ನವಿಲುಗಳನ್ನು ಕಣ್ಣು, ಕ್ಯಾಮಾರಾಗಳು ಸೆರೆ ಹಿಡಿದೆವು. 

ಇನ್ನೇನು ಸಫಾರಿ ಮುಗಿಸಿ ಅರಣ್ಯ ಇಲಾಖೆ ಕಚೇರಿ ಬಳಿಗೆ ಬರುವ ವೇಳೆಗೆ ಅಲ್ಲೆ ಮೈಸೂರು–ಊಟಿ ಮುಖ್ಯ ರಸ್ತೆಯಲ್ಲೆ ರೆಕ್ಕೆ ತೆರೆದು ನರ್ತಿಸುತ್ತಿದ್ದ ನವಿಲು ವಿದಾಯ ಹೇಳಿದಂತೆ ಭಾಸವಾಯಿತು. ಇವೆಲ್ಲವನ್ನು ಕಂಡ ನಾವು ಒಲ್ಲದ ಮನಸ್ಸಿನಿಂದಲೇ ಬಂಡೀಪುರಕ್ಕೆ ವಿದಾಯ ಹೇಳಿದೆವು.

ಹುಲಿ ಕಂಡ ನಮ್ಮ ತಂಡದ ಸಂಭ್ರಮ

 
ಬಂಡೀಪುರದ ಕುರಿತು

ಬಂಡೀಪುರ ಇದು ಚಾಮರಾಜನಗರ ಜಿಲ್ಲೆ ಗುಂಡ್ಲುಪೇಟೆ ತಾಲ್ಲೂಕಿನಲ್ಲಿದ್ದು ಮೈಸೂರಿನಿಂದ 80 ಕಿ.ಮೀ ದೂರದಲ್ಲಿದ್ದು, ಮೈಸೂರು–ಊಟಿ ರಸ್ತಯಲ್ಲಿದೆ, 1974ರಲ್ಲಿ ಹುಲಿ ಸಂರಕ್ಷತ ಆರಣ್ಯವಾಗಿ ಘೋಷಣೆಯಾಯಿತು. ಒಟ್ಟು 875 ಚ.ಕಿ.ಮಿ ವಿಸ್ತೀರ್ಣ ಹೊಂದಿರುವ ಈ ಕಾಡಿನಲ್ಲಿ 135ಕ್ಕೂ ಹೆಚ್ಚು ಸಂಖ್ಯೆ ಹುಲಿಗಳ ಆವಾಸ ಸ್ಥಾನವಾಗಿದ್ದು, ಇದು ಕರ್ನಾಟಕದ ನಾಗರಹೊಳೆ, ತಮಿಳುನಾಡಿನ ಮಧುಮಲೈ ರಕ್ಷಿತಾರಣ್ಯ ಹಾಗೂ ಕೇರಳದ ವೈನಾಡ್ ರಕ್ಷಿತಾರಣ್ಯಗಳನ್ನು ಒಳಗೊಂಡಿದೆ. ಈ ನಾಲ್ಕು ಕಾಡುಗಳ ಒಟ್ಟು ಪ್ರದೇಶ ನೀಲಗಿರಿ ಜೀವ ವೈವಿಧ್ಯ ಪ್ರದೇಶ ಎಂದು ಗುರುತಿಸಲಾಗಿದೆ.